مثلث الشيطان او مثلث برموده او مثلث الموت

 ف قلب المحيط فيه جزيره معزوله عن العالم اي حد بيقرب منها بيختفي و محدش يعرف السبب ورا اختفاء الحاجات فيه اسمه مثلث الشيطان علميا مثلث برمودا ايوا هو دا يا تري إيه قصته و إيه الحقيقه ورا الحكايات المرعبة ال حواليه تعالو نعرف مثلث برمودا أو كما يقال عنه "مثلث الشياطين" أي خوفت كده لي!! هو فعلا الموضوع مخيف ومرعب لحد كبير ولكن هنا هنحاول نوضح شوية تفاصيل عنه ركزوا طيب عشان نفهم كويس . مثلث برمودا ده مكانه في المحيط الأطلنطي ويقع بين ثلاث مناطق " فلوريدا و بورتوريكو و برمودا " الناس أطلقوا عليه مثلث برمودا نسبة لجزر برمودا اللي بتصل إلي "300" جزيرة، وزي ما هنعرف دلوقت أنه مساحته ضخمة جدا تصل 1,140,000 كيلومتر مربع . =طب اي فيها يعني منطقة زي اي منطقة مساحتها واسعة في المحيط . هقولك، المثلث ده شهد اختفاء ما يصل ل 50 سفينة و 20 طائرة في منتصف القرن التاسع عشر، أكيد ده مش طبيعي صح؟؟ =ده كله طب لي وازاي دي فعلا منطقة مرعبة جدا . حقيقي فعلا هي كده كتير قالوا عليها منطقة الموت وكتير قالوا جزيرة الشياطين اعتقادا إن السبب وراء الاختفاء شياطين أو جن . =طب هو فعلا  ممكن يكون كده ؟؟ بصراحة محدش عارف بس في كتير من العلماء فسروا اللي بيحصل ده أنه مثلا بسب المخلفات التكنولوجية في جزيرة أطلانطس وشوية من المؤلفين التانيين ربطوا إنه اللي بيحصل ده بالاطباق الطائرة وتم اختطاف طاقم الطائرة 19 التابعة للبحرية الأمريكية من قبل فضائيون . = أي التفسيرات الغريبه دي اللي متدخلش الدماغ دول زي المجانين !! حقيقي فعلا كده أطلق العالم علي التفسيرات دي اسم تفسيرات غير طبيعية وغير منطقية لدرجة أنهم قالوا إن منطقة برمودا دي اللي بيسكن فيها المهدي المنتظر مع اهل بيته والمخلصين له كما تبعا لتلك الرواية اللتي ذكرت في كتاب "بحار الأنوار" للمجلسي وهي موسوعة كبيرة جدا بتضم 25 مجلد، وكتير من التفسيرات الغير الطبيعية اللي تم ذكرها . =طب مفيش اي عالم أو أي إنسان قدر يفسر اللي بيحصل ده بطريقة منطقية ؟؟ لا في بعض من العلماء وضحوا اللي بيحصل ده نتيجة حاجات طبيعية كتير منها أخطاء البوصلة دول افترضوا نظرية وجود طاقة غير عادية من القوة المغناطيسية في تلك المنطقة . = اهااا طب كمل الموضوع طلع كبير جدا ومشوق. ركز معايا طيب . =مركز اهو قول . العلماء مش وقفوا للمنطقة دي بس بالعكس فضلوا يدوروا علي أسباب للي بيحصل ده ومن الاسباب دي أنه يكون أعمال تدمير متعمد ويكون قرصنة السفن هما السبب في اختفاء السفن دي وكمان برضه ممكن تكون أخطاء بشرية هي السبب في اللي بيحصل زي ما وضح حراس السواحل الأمريكية السبب في فقدان" الناقلة اس اس" في أي فوج SS V.A Fogg في عام 1972 هو نقص التدريب المناسب للتخلص من مخلفات البنزين، وقد يكون العناد البشري لرجل الأعمال هارفي كونوفر هو الذي سبب خسارة اليخت الخاص به، الريفونوك عندما أبحر فيه إلى فلوريدا أثناء عاصفة في 1 يناير 1958. وكتير قالوا السبب في كده العواصف الاستوائية والأمواج المدمرة وهيدرات الميثان = أي الاسباب دي كلها طب اي الأقرب ليهم طيب؟ لحد دلوقت محدش يعرف اي سبب كل البشر بيالفوا اي خرافة أو أسطورة بس الحقيقة أنه لا يوجد احد توصل للسبب ده . بقولك يا صديقي . قول سامعك . = يلا بينا نجهز نفسنا ونطلع نروح المثلث ده قدرنا نكتشف حاجة كان بها وبقينا مشهورين مقدرناش يبقي روحنا مع اللي راحوا وخلاص . اسكت يبني اي اللي بتقوله ده في كتير من الأشخاص فكروا خل اللغز ده ومرجعوش اصلا ولا في اي اخبار عنهم . = معاك حق . هي منطقة عجيبة فعلا بس اكيد هييجي اليوم اللي يُكتشف فيه سر اللغز ده . = انت خلصت ولا اي؟ ايوه كده خلصت . =بس انا عاوز اعرف كمان الموضوع شيق جدا . الأوقات الجاية كتير في أي وقت هنستكمل الموضوع ده وهنحكي قصص حقيقية حصلت في مثلث الشيطان استنونا قريب . دمتم في رعاية الله .