وادي الملوك وعبقرية الفراعنة و الإعتقادات الدينية

 

اهلا وحشتونا جداا من الوقت اللي فات، انهارده هندردش شوية عن مكان ضخم وأثري كبير في مصر والعالم ككل . المكان ده يوجد في وادي نهر جاف علي الضفه الغربية من مدينة طيبة قديما حاليا الأقصر، أطلق علي ذاك المكان اسم وادي الملوك و ده بسب أنه اغلب الأشخاص اللي دفنوا فيه من الفراعنة كانوا العائلة المالكة للحكم اللي هما ملوك الأسرة 18، 19، 20 من الدولة الحديثة . بس في كتير من الأثريين اختلفوا علي الاسم وده لانه غير دقيق . طب لي الاسم غير دقيق؟ هقولك يا صديقي لانه مقابر وادي الملوك مش دفن فيها بس الملوك وأولادهم لا بالعكس في ناس غير الملكيين دفنوا هناك بس من الطبقة العليا من المجتمع . وادي الملوك قسموه لمنطقتين الجزء الشرقي والجزء الغربي بس الجزء الشرقي هو الأشهر علي الاطلاق و ده لانه في كتير من المقابر المعروفه . طب اي المقابر المعروفه دي؟! المقابر دي مش معروفه بس كونها مصرية بالعكس دي معروفة عالميا بشكل لا نتخيله في الوادي ستين مقبرة كاملين تقريبا و 20 مقبرة غير مكتملين يعتبروا مجرد حفر بس . الفراعنه المصريين كان عندهم دقة غير متوقعه علي الاطلاق في اختيار مكان دفن موتاهم . وه ازاي انتِ كلامك مش مفهوم كده لي  ؟ طب هسئلك سؤال وعاوز إجابة . لي الناس دي اختاروا الضفه الغربية لنهر النيل وكل موتاهم تقريبا هناك مفيش علي الضفه الشرقية أي مدفن وكمان المعابد الجنائزية بتاعت الأموات كلها في الغرب وليس الشرق ؟!؟ وانا ايه يعرفني انا اسمع بس أنهم في الغرب مركزتش يعني . هقولك لي المكان المصريين القدماء كانوا يعتقدون بإلاه الشمس وكمان كانوا معتقدين أنه الإه ده بيموت في الأفق الغربي عشان يتولد من جديد في الأفق الشرقي وبيتجدد شبابه في الأفق الشرقي وده السبب اللي ارتبط بيه وجود المعابد الجنائزية في غرب نهر النيل وليس الشرق . كمان تم اختيارة لسبب كمان أنه تم دفن الملوك تحت قمة جرف صخري هرمي الشكل يحيط بالوادي وده السبب في الاختيار الموفق ده لأنهم بيعتقدوا أن الهرم رمز للبعث والحياة الأبدية وكمان شكل القمة عندهم زي علامة للإلاهيه . كمان تعرف يا صديقي إن الملك تحتمس الاول هو أول من دفن في مقبرة وادي الملوك حوالي "1504-1492" قبل الميلاد، طبقا لإيني كبير مسؤولي حفر مقبرته حيث قال " أشرفت علي مقبرته في خصوصية تامة، لا أحد يري ولا أحد يسمع" في سنة 1922 اهتز نبأ اكتشاف مقبرة توت عنخ امون علي مستوي العالم يعتبر كل دول العالم انتبهت للخبر ده وكمان كانوا بيحسدوا مصر علي تاريخها العريق وعلي الفراعنه اللي تسيدوا العالم في عصرهم وما زالوا حتي الآن متسيدين تجاه الفكر الأثري الفرعوني، المقبرة دي اكتشفوها كاملة دون نقص في اي شيء كنوزها وكل حاجه دون أي تلف كمان اكتشفوا اشهر قناع ذهبي علي العالم وهو قناع توت عنخ آمون . المقبرة بتاعت الفرعون المصري توت عنخ آمون كانت سبب في ظهور أسطورة الفراعنه . طب اي السبب مش فاهم برضه؟ العلماء الأثريين اكتشفوا علي جدرانها كتب مكتوبة بالهيروغليفي كانت مضمونها " سيضرب الموت بجناحيه الساميين كل ما يعكر صفو الملك " الجملة دي كانت سبب كفيل في انتشار أسطورة الفراعنه . كمان اللي جعل العالم يتأكد من الأسطورة دي مش الكلام ده بس بالعكس في حاجه غريبة حصلت ودي تقريبا برضه السبب التاني، أثناء البحث عن المقبرة دي توفي 40 شخص من اللي كانوا بيشتغلوا عليها والسبب الأعجب أنهم توفوا ب أسباب تافهه جدا وده اللي جعل الناس يقولوا أنه لعنة الفراعنه هي السبب . زي الشخص اللي قام بتمويل الرحلة للورد كارنارفون وده مات بسب لدغة من بعوضه في فندق إنتركونتينتال في القاهرة . كمان من المقابر المشهورة مقبرة أبناء رمسيس التاني ودي تعتبر أكبر مقابر وادي الملوك وبتمتد لطول 443,2 متر ومساحة 1266,47 متر مربع وتم اكتشافها 1825 . كمان المقبرة دي اكتشفوا فيها 120 حجرة دفن ولسه لحد دلوقت بيشتغلوا فيها . كمان مقبرة الملك الفرعوني أمونحتب الثاني و ده عثروا هناك علي اكتر من 12 مومياء ملكية مشهورة لملوك وهما " تحتمس الرابع، أمونحتب الثالث، مرنبتاح، سيتي الثاني،سبتاح،رمسيس الرابع والخامس والسادس وكمان مومياء غير معروفة لسيدة عجوز وتقريبا المومياء دي هي تخص الملكة تيي علاوة علي مومياء اخري يرجح أنها للملك ست نخت . اللي فات ده كله شيء والعظمه اللي جايه حاجة تانية خالص لاننا هنتكلم عن واحده من اجمل مقابر وادي الملوك واللي بتخص الملك رمسيس الرابع . هي واحدة من أجمل المقابر التي يضمها وادي الملوك، فأعلى مدخل المقبرة يبرز قرص الشمس الذهبي الذي يمثل "الإله رع" رمز القوة، وعلى جانبي قرص الشمس نرى إيزيس ونفتيس، وبداخله يوجد التابوت الجرانيتي الكبير، ويزيد على 10 أقدام في طوله وعرض 7 أقدام، وارتفاع يزيد على 8 أقدام. وتضم المقبرة رسومات ونقوشا فرعونية تمثل رحلة الشمس في العالم السفلي، كما توجد مناظر قبطية على الحائط الأيمن من ممر الدخول، توضح أن بعض الأقباط كانوا يستخدمون المقابر مأوى لهم أيام الاضطهاد الديني وقت انتشار المسيحية. هاا طولت صح اكيد استفدتوا ولو حاجه صغننه اتمني تكونوا فرحتوا بالبوست ده واستنونا🖤 #ooto